Շաբաթ, 24 Փետրվարի 2018

Օրացույց

« Փետրվար 2018 »
Երկ Երեք Չորեք Հինգ Ուրբ Շաբ Կիր
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28        


Ալաշանում բնակվող թալիշցիների համար ևս 10 տնակ կտեղադրվի

Երեքշաբթի, 15 Օգոստոսի 2017 07:54

2016-ի ապրիլյան դեպքերից հետո, թալիշցիների մեծ մասը տեղափոխվել է Ալաշան տեղամաս, պետությունն այստեղ ստեղծել է կեցության ժամանակավոր պայմաններ` բոլոր հարմարություններով:

Ալաշան տեղամասի /նախկին զինվորական հոսպիտալ/ հին շինությունները հետապրիլյան շրջանում անմիջապես վերանորոգվել ու կահավորվել են, այնուհետև արագ հավաքովի 20 տնակներ տեղադրել թալիշցիների բնակպայմաններն այստեղ ժամանակավոր ապահովելու համար: Հաշվի առնելով այստեղ ապրել ցանկացողների պահանջը`տարածքում աշխատող ,,Էլիտստրոյ,, ՍՊԸ-ն ևս 10 տնակի տեղակապումն արդեն ավարտել է, իսկ տնակները   պատվիրվել են Իրանի հանրապետությունից: Շուտով 10 ընտանիք ևս կտեղափոխվի այստեղ: Նշենք, որ Ալաշանում այս պահի դրությամբ ապրում է 44 ընտանիք` 185 բնակչով: 

Տնակները կահավորված են ունեն  ննջասենյակներ, սանհանգույց և խոհանոց: Ալաշանում սա առանձին թաղամաս է: Այստեղ  ավարտվել են կոմունիկացիոն աշխատանքները. Նոր թաղամասն ունի արտաքին լուսավորություն, ներքին կոյուղագիծ և մշտական ջուր: 

 

Ալաշանում թալիշցիները հարմարվել են կեցության նոր պայմաններին: Բնակիչներին տրամադրվել են հողատարածքներ` բանջարաբոստանային մշակաբույսեր աճեցնելու համար, զբաղվում են նաև անասնապահությամբ:   

 

Ավելին այս բաժնում