Մինչ Թալիշում մեծածավալ շինարարություն է ընթանում, Ալաշանում, որտեղ ժամանակավոր ապաստանել են թալիշցիները, հարմարավետ կեցության պայմաններ են  ստեղծվում:

Դեռ 2016-ին Արցախի կառավարությունը նկատի ունենալով  բնակչության պահանջը, նախատեսել էր Ալաշանում արագ հավաքովի 20 բնակարան տեղադրել: Բնակարաններից 11-ը տեղադրվել է փետրվար ամսում, 6-ը` հանգստյան օրերին, մյուս 3-ը  Ալաշան են տեղափոխել այսօր: 

Արագ հավաքովի երկսենյականոց բնակարանները Արցախ են հասցվել Չինաստանից, պետական բյուջեի միջոցների հաշվին: Ունեն  հարմարավետ պայմաններ, ձայնա և ջերմամեկուսացնող հատկություն:

Տեղակապման ու տեղադրման ծրագիրն իրականացնում է ,,Էլիտստրոյ,, ՍՊԸ-ն:

Լուսանկարները` Մարտակերտի շրջանի ,,Ջրաբերդ,, պաշտոնաթերթի